موبائل انٹر نیٹ اسپیڈ ،دنیا میں سب سے زیادہ-پاکستان نے امریکہ،چین،بھارت اور روس کو بھی پیچھے چھوڑ دیا،حیرت انگیز انکشافات

لاہور (مانیٹرنگ ڈیسک) رواں برس موبائل انٹرنیٹ اسپیڈ میں دنیا میں سب سے زیادہ 56 فیصد اضافہ پاکستان میں ہوا ہے۔ دنیا کی بڑی انٹرنیٹ اسپیڈ تجزیہ کار کمپنی اسپیڈ ٹیسٹ ڈاٹ نیٹ کی رپورٹ کے مطابق 56 فیصد اضافے کے ساتھ پاکستان کی اوسط انٹرنیٹ اسپیڈ 13 میگا بائٹس فی سیکنڈ ہو گئی ہے۔رپورٹ کے مطابق بھارت میں موبائل انٹرنیٹ اسپیڈ 42 فیصد اضافے کے ساتھ8 میگا بائٹس فی سیکنڈ ریکارڈ کی گئی ہے جب کہ برازیل میں موبائلاسپیڈ 28 فیصد، جاپان میں 23 فیصد اور امریکا میں 22 فیصد بڑھی ہے۔دنیا میں موبائل انٹرنیٹ اسپیڈ کے حساب سے بڑے ملکوں میں چین 32 میگا بائٹس فی سیکنڈ اور امریکا 26 میگا بائٹس فی سیکنڈ کے ساتھ بالترتیب پہلے اور دوسرے نمبر پر ہیں۔پاکستان میں موبائل پر انٹرنیٹ استعمال کرنے والوں کے کنکشنز کی تعداد اب سوا چار کروڑ کے قریب ہے۔ رواں سال اسپیڈ میں اضافے کے اعتبار سے پاکستان نے امریکا، چین، بھارت اور روس سمیت بڑے ممالک کو پیچھے چھوڑ دیا ہے۔

Comments

comments

اپنا تبصرہ بھیجیں