ہم ایٹم بم بنائیں گے اور۔۔۔۔ سعودی ولی عہد نے اعلان کر دیا، پوری دنیا میں کھلبلی مچ گئی

ریاض (مانیٹرنگ ڈیسک) سعودی ولی عہد شہزادے محمد بن سلمان نے ایٹم بم بنانے کا اعلان کر دیا، ایک نجی ٹی وی چینل کو انٹرویو کے دوران انہوں نے کہا کہ اگر ایران ایٹم بم بنا سکتاہے تو سعودی عرب بھی بنائے گا۔ سعودی عرب کے وزیر دفاع اور سعودی ولی عہد محمد بن سلمان نے کہا کہ سعودی عرب ایٹم بم نہیں بنانا چاہتا لیکن اگر ایران نے بنا لیا ہے تو ہم بھی اس کھیل میں شامل ہوں گے۔ سعودی عرب کے لیے پہلے دو نیوکلیئر ری ایکٹر
بنانے کے لیے امریکہ، جنوبی کوریا، روس، فرانس اور چین اربوں ڈالر کے کنٹریکٹ کے لیے بولی لگانے کے لیے تیاری کر رہے ہیں۔ سعودی عرب کا اس حوالے سے کہنا ہے کہ وہ امن کے لیے ایٹمی ٹیکنالوجی حاصل کرنا چاہتے ہیں البتہ یہ بات واضح نہیں کی گئی کہ وہ اس ایٹمی ہتھیار بنائیں گے یا نہیں۔ واضح رہے کہ سعودی عرب کی حکومت کی طرف سے ایٹمی پروگرام شروع کرنے کے لیے قومی قانون بھی منظور کر لیا گیا ہے۔

Comments

comments

اپنا تبصرہ بھیجیں